Чендлерга қарши жанг бекор бўлганидан сўнг Конор Макгрегор ўз фикрларини билдириб ўтди

Икки вазн тоифасида UFC собиқ чемпиони Конор Макгрегор Майкл Чендлерга қарши жанг бекор бўлганидан сўнг ўз фикрларини билдириб ўтди.

“Режалаштирилган жангни ўтказмаслик жуда ҳам оғир. Матбуот анжуманидан олдин жароҳат олдим. Тикланишим учун эса вақт керак.

Жангни бекор қилиш тўғрисидаги қарор осонликча қабул қилингани йўқ. Шифокорлар, UFC ва жамоам билан маслаҳатлашгандан сўнг шу тўхтамга келдик.

Мухлисларим ва рақиб мени энг яхши формамда кўришни хоҳлайди. Кайфиятим жуда яхши, қайтишимга ишончим комил”, — дейди ирландиялик спортчи.

Маълумот учун, Макгрегор ва Чендлер ўртасидаги жанг 29 июнь куни Лас-Вегасда бўлиб ўтадиган UFC-303 турнири доирасида бўлиб ўтиши керак эди. Бироқ Конорнинг жароҳати сабабли бу жанг бошқа муддатга қолдирилди.