Буюк Британияда солиқларнинг кенг миқёсда оширилиши эълон қилинди
Иқтисодий ўсиш суръатларининг пасайиши ва инфляциянинг тезлашиши фонида Буюк Британия молия вазири Джереми Хант солиқларни кенг кўламда ошириш ва давлат харажатларини қисқартириш режасини тақдим этди.
«Умуман олганда, жорий йилда иқтисодий ўсиш 4,2 фоиз даражасида прогноз қилинмоқда. Шунда ялпи ички маҳсулот 2023 йилда 1,4 фоизга қисқаради, кейинги уч йилда эса 1,3, 2,6 ва 2,7 фоизга ўсади», - деди Джереми Хант парламентда инқироздан чиқиш режасини тақдим этганда.
Буюк Британия Вазирлар Маҳкамаси ҳисоб-китобларига кўра, Буюк Британияда жорий йилда инфляция 9,1 фоизни ташкил этади ва 2023 йилда 7,4 фоизгача пасаяди. Нархларнинг ошишига асосий омиллар энергия тарифларининг ошиши ва озиқ-овқат маҳсулотлари нархининг ошиши бўлди.
Тақдим этилган чора-тадбирлар, бошқа нарсалар қатори, даромад солиғи бўйича энг юқори 45% ставка учун йиллик иш ҳақи чегарасини ҳозирги 150,000 дан 125,000 фунт стерлингга туширишни ўз ичига олади.
Яна бир янгилик 2025 йилнинг апрелидан электромобил эгаларига транспорт солиқи жорий этилади. Илгари бу турдаги тўловни фақат ички ёнув двигателли автомобил эгалари тўларди.
Энергетика корхоналаридан олинадиган фойда йиғими 2028 йилнинг 1 январидан мартигача амалдаги 25 фоиздан 35 фоизгача оширилади, электр энергияси ишлаб чиқарувчиларга эса 45 фоизлик янги вақтинчалик солиқ жорий этилади.
Буюк Британия ғазначилиги солиқларнинг ошиши 2027-2028 йилларга қадар давлат ғазнасини қўшимча 25 миллиард фунт стерлинг билан тўлдиришини ҳисоблаб чиқди.
