Бухоро шаҳрида II Халқаро зардўзлик ва заргарлик фестивали ўтказилади

3-5 май кунлари Бухоро шаҳрида II Халқаро зардўзлик ва заргарлик фестивали ўтказилади. АОКАда Республика "Ҳунарманд" уюшмаси раҳбарияти иштирокида ўтказилган матбуот анжуманида мазкур фестивал ҳақида батафсил маълумот берилди:

Ўзбекистон Республикаси Президентининг 2021 йил 29 апрелдаги “Халқаро зардўзлик ва заргарлик фестивалини ўтказиш тўғрисида”ги ПҚ-5098-сон қарори, Ўзбекистон Республикаси Вазирлар Маҳкамасининг “Халқаро зардўзлик ва заргарлик фестивалини ўтказишнинг ташкилий чора-тадбирлари тўғрисида”ги 2021-йил 8-октябрдаги 629-сон қарори ҳамда Ўзбекистон Республикаси Вазирлар Маҳкамасининг 2024 йил 20 мартдаги “Халқаро зардўзлик ва заргарлик фестивалини ўтказиш тўғрисида”ги (20-1) ВМ 21/24-20-сонли йиғилиш баёнига асосан, жорий йилнинг 3-5 май кунлари Бухоро шаҳрида II Халқаро зардўзлик ва заргарлик фестивали ўтказилади.

Фестивалнинг аосий мақсади халқ амалий санъатининг зардўзлик ва заргарлик анъаналарини ривожлантириш, уларнинг ноёб намуналарини тарғиб этиш, шунингдек, ушбу йўналишларда ўзаро тажриба алмашиш орқали халқлар ўртасида дўстлик ва ҳамкорлик ришталарини янада мустаҳкамлаш, маданий-гуманитар алоқаларни кучайтириш, авлоддан-авлодга ўтиб келаётган касбий анъаналар ва ҳунармандчилик мактабларини сақлаш ва қайта тиклаш ҳамда минтақанинг туризм салоҳиятини янада оширишдан иборат.

Фестиваль веб-сайти handicrafters.uz такомиллаштирилди фестиваль, миллий ҳунармандчилик, ҳунармандлар, улар томонидан ишлаб чиқарилаётган ҳунармандчилик маҳсулотлар ҳақидаги маълумотлар жойлаштирилди. 2024 йил феварль ойида орқали фестивалда иштирок этишни истаган хорижий давлатлардан зардўзлик ва заргарлик фаолияти билан шуғулланувчи ташкилотлар, маҳоратли ҳунармандлар, амалий санъат усталари, соҳа олимлари ҳамда мутахассислари, фахрий меҳмонлар ва оммавий ахборот воситалари ходимлари ушбу сайт орқали онлайн тарзда Ташкилий қўмитага ариза топширишлари ва рўйхатдан ўтишлари учун старт берилди. Шунингдек, веб-сайт орқали рўйхатдан ўтиш жараёнлари бошланганлиги ҳақида Ташқи ишлар вазирлиги орқали Ўзбекитоннинг чет элдаги элчихона ва ваколахоналарига маълумот берилди.

2024 йилнинг 10 апрель куни рўйхатдан ўтиш жараёнлари якунланди. Дастлабки маълумотларга кўра 70 та давлатдан 200 нафарга яқин иштирокчи фестивалга иштирок этиш истагини билдирди. Ҳозирги кунда ташкилий қўмита томонидан иштирокчилар сараланмоқда. Фестивалга 56 та давлатдан 100дан ортиқ иштирокчи иштирок этиши назарда тутилган. Жумладан илмий амалий конференцияга 7та давлатдан 7 нафар, нуфузли меҳмонлар сифатида 40 нафар, хорижий оммавий ахборот воситалари сифатида 4 та давлатдан. Ташкилий қўмита саралаган иштирокчиларга таклифномалар юборилиши бошланади.

Фестиваль дастури ишлаб чиқилди. Дастур, фестиваль видеоролиги Фестивал тугагунга қадар кутиб олиш ва кузатиш залларида, мавжуд ЛЕД экаранларда фестивални тарғиб этувчи видеороликларни намойиш этиш ва реклама баннерларини жойлаштириш учун Транспорт вазирлиги, “Узбекистан аирwайс” АЖ , “Узбекистан Аирпортс” АЖ, Ўзбекистон темир йўллари” АЖ, Туризм қўмитаси хат билан юборилди.

Шунингдек, Фестивалда 250 дан ортиқ маҳаллий ҳунармандлар ўз шогирдлари билан иштирок этишлари мўлжалланмоқда.
Халқаро зардўзлик ва заргарлик фестивали ҳамда унинг доирасида илмий-амалий конференция, кўрик-танлов, тақдимот ва кўргазмалар, театрлашган концерт-томоша дастурлари, маданий-маърифий ва тарғибот-ташвиқот тадбирлари ўтказилади.
Халқаро зардўзлик ва заргарлик фестивалига тайёргарлик ишлари Бухоро вилоятда ҳам олиб борилмоқда. Жумладан, Фестивалнинг очилиш ва ёпилиш маросимларини ўтказиш учун 1700 томошабинга мўлжалланган амфитеатр жиҳозлари ва конструкциялари бўйича ишлар олиб борилмоқда, Фестивал ғолиблари ва хорижий меҳмонларга бериладиган совғалар намуналари вилоят ҳокимлиги ҳамда “Ҳунарманд” уюшмаси билан келишилди ва совғаларни тайёрлаш ишлари бошлаб юборилди, Фестивалга ташриф буюрадиган ҳамда бевосита иштирок этадиган хорижий ва маҳаллий меҳмонлар, ҳунармандлар ва иштирокчилар жойлашадиган меҳмонхоналар рўйхати шакллантирилиб хоналар банд қилинмоқда. “Анъанавий зардўзлик ва заргарлик санъатини ривожлантириш истиқболлари” мавзусида ўтказиладиган илмий-амалий конференция ўтказиш жойи сифатида Бухоро давлат университети зали танланди, Фестивал ўтадиган ҳудудларда кенг кўламли ободонлаштириш ишлари амалга оширилмоқда.

Маълумот учун I Халқаро заргарлик ва зардўзлик фестивали 2022 йилнинг 21-24 май кунлари Бухоро шаҳрида ташкил этилди. Фестивалда Республикамизнинг барча ҳудудларидан 288 нафар ҳунарманд, шулардан 110 нафар заргар, 37 нафар зардўз, 44 нафар каштадўз, 97 нафар бошқа йўналишларида фаолият олиб бораётган ҳунармандлар иштирок этди.Нуфузли тадбирда 58 та давлатдан 221 нафар хорижлик иштирокчи, шулардан 112 нафар ҳунарманд, 9 нафар фахрий меҳмон ва 4 нафар юқори мартабали меҳмонлар қатнашди. Бутунжаҳон ҳунармандлар кенгаши президенти Саад ал-Каддумий томонидан Жаҳон Ҳунармандлар Кенгашининг қадимий Бухоро шаҳрига Жаҳон ҳунармандлар шаҳри мақоми берилгани тўғрисидаги сертификат топширилди.