Бугун баъзи ҳудудларда газ таъминоти вақтинча тўхтатилади

Бугун баъзи ҳудудларда газ таъминоти вақтинча тўхтатилади

Тошкент вилоятининг баъзи ҳудудларда газ таъминоти вақтинча тўхтатилади. Бу ҳақда «Ҳудудгазтаъминот» АЖ матбуот хизмати хабар бермоқда.

Қайд этилишича, 2019 йил 18 ноябрь куни ер усти газ қувурларида таъмирлаш ишлари олиб борилиши сабабли, Тошкент вилоятининг Тошкент тумани «Қушқўнди» маҳалласи «С.Зокиров» кўчаси ҳудудидаги жами 310 та аҳоли хонадонларида соат 9:00 дан 17:00 га қадар ҳамда Оҳангарон тумани, «Бирлик», «Қизилсой», «Телов», «Қорабалиқ», «Санам», «Қорасуевка», «Сусам», «Чувилдоқ» ва «Илғор» МФЙ ҳудудларидаги жами 3026 та газ истеъмолчиларига соат 8:00 дан 17:00 га қадар табиий газ таъминоти вақтинча тўхтатилади.

Шунингдек, Қуйи Чирчиқ тумани, «Сергели» МФЙ «Эркин» кўчаси ҳудудидаги газ қувурларида носозлик туфайли жами 63 та аҳоли хонадонларига газ таъминоти вақтинча тўхтатилиб, 2019 йил 18 ноябр куни таъмирлаш ишлари тугатилгандан сўнг, табиий газ таъминоти қайта тикланади.

«Ҳудудгазтаъминот» АЖ таъмирлаш ишлари туфайли газ таъминотидаги вақтинча узилишлар сабабли етказилаётган ноқулайликлар учун аҳоли ва газ истеъмолчиларидан узр сўраган.

 

 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!