Бугун 40 га яқин автобус ўз йўналишини ўзгартиради

2022 йилнинг 19 август куни соат 18:00 дан 23:00гача бўлган вақтда пойтахтнинг бир неча кўчаларида автотранспорт воситаларининг ҳаракати вақтинчалик чекланади.

“Тошшаҳартрансхизмат” АЖнинг маълум қилинишича, мазкур вақт оралиғида Туркияда бўлиб ўтган V Ислом бирдамлиги ўйинларида иштирок этиб, қайтган Ўзбекистон делегациясини тантанали кутиб олиш маросими ташкил этилади.

Шу муносабат билан, мазкур кўчалардан ҳаракатланувчи 196, 141, 13, 97, 28, 44, 46, 68, 78, 89, 91, 115, 19, 38, 51, 67, 85, 140, 37, 30, 1, 21, 22, 93, 18, 57, 58, 98, 47, 40, 66, 80, 2, 11, 77, 94, 45, 61 ва 106-сонли автобус йўналишларининг ҳаракати ўзгаради.