Британия Исроилга мурожаат қилади

Буюк Британия ташқи ишлар вазирлиги Исроил ҳукуматини Фаластин миллий маъмурияти қошида ишлаётган норвегиялик дипломатларни аккредитациядан бош тортиш ҳақидаги қарорни қайта кўриб чиқишга чақирди, деб хабар беради «РИА Новости» .

Гап Фаластин маъмурияти билан ҳамкорлик қилаётган саккиз норвегиялик дипломатнинг дипломатик мақоми бекор қилиниши ҳақида кетмоқда. Ташқи ишлар вазирлиги баёнотида, шунингдек, Норвегия узоқ вақтдан бери Яқин Шарқда тинчликни қўллаб-қувватлашда «ўзига хос ва қимматли роль» ўйнаганини таъкидлади.

8 август куни Исроил Ташқи ишлар вазирлиги Фаластин миллий маъмурияти қошида ишлаш учун юборилган норвегиялик дипломатларнинг аккредитациясини бекор қилишини маълум қилди. Бу қадам Норвегиянинг «бир томонлама» Яқин Шарқ сиёсати билан келишмовчилик билан изоҳланади. Қарор этти кун ичида кучга киради.

Норвегия ташқи ишлар вазири Эспен Барт Эйде расмий норозилик билдириш учун Исроил элчисини чақирди. Европа дипломатияси раҳбари Хосеп Боррелл Тел-Авивнинг ҳаракатларини «Фаластин билан нормал муносабатлар ва ҳамкорликни номутаносиб равишда бузиш» сифатида қоралади.