Беларус коррупцияга қарши қонунни кучайтирди

«Қонун лойиҳасида давлат амалдорининг барча яқин қариндошлари ёки қайнона-қайноталарига нисбатан коррупцияга қарши чекловлар ўрнатиш назарда тутилган», — деди депутат Ленчевская.

Шу билан бирга, унинг аниқлик киритишича, амалдаги коррупция тўғрисидаги қонун фақат мансабдор шахснинг бирга яшаб, биргаликда хўжалик юритувчи яқин қариндошларига нисбатан қўлланилади.

Қонун лойиҳасида кадрлар реэстрига эга бўлган давлат органларини коррупция жиноятларини содир этган шахслар тўғрисида хабардор қилиш таклиф этилади.