Байден президентликка номзодлар хавфсизлигини кучайтиришга қаратилган қонунни имзолади

АҚШ президенти Жо Байден мамлакат Махфий хизмати томонидан президентликка ва вице-президентликка номзодлар хавфсизлигини таъминлаш бўйича кўрилаётган чора-тадбирларни кучайтирувчи қонунни имзолади.

Бу ҳақда Оқ уй матбуот хизмати тарқатган баёнотда айтилади.

Ҳужжатда таъкидланганидек, Байден сешанба куни "Америка Қўшма Штатлари Махфий Хизматидан президентлар, вице-президентлар, президентлик ва вице-президентликка етакчи номзодларни ҳимоя қилиш учун зарур бўлган агентлар сонини аниқлашда ягона стандартларни қўллашни талаб қилувчи" қонунни имзолади. Илгари қонун лойиҳаси АҚШ Конгрессининг ҳар икки палатаси томонидан маъқулланган эди.