Байден маъмурияти россияликларни депортация қилишни «сокинлик билан» қайта бошлади

Байден маъмурияти россияликларни депортация қилишни «сокинлик билан» қайта бошлади, деб ёзади The Guardian.

Бир йил олдин протседура тўхтатилган эди. Аммо бу ҳафта АҚШ Иммиграция ва божхона хизмати турли мамлакатларга, жумладан Россияга депортациялар давом этишини эълон қилди.

The Guardian қайд этишича, жараён қачон қайта бошлангани маълум эмас. Уларнинг сўзларига кўра, штатларга қочиб кетган бир йигит аллақачон Россия Федерациясига юборилган.

Адвокат Женнифер Скарборонинг сўзларига кўра, иммиграция хизмати ходимлари унинг ҳарбий хизматдан бош тортгани туфайли хавфсизлигидан қўрқишини бошпана олиш учун етарли асос эмас деб ҳисоблаган.

Ҳуқуқ ҳимоячисига кўра, яна икки киши элчихонада суҳбатдан ўта олмагани учун депортация таҳдиди остида. Улар штатларга Мексика орқали етиб келишди.