Азор ороллари яқинида 4000 та қиматбаҳо машина бўлган кема чўкиб кетди

Португалиянинг Азор ороллари яқинида 16 февраль куни ёниб кетган автомобилларнинг катта партиясини олиб кетаётган Felicity Ace кемаси кеча чўкиб кетди. Бу ҳақда Bloomberg хабар берди.

Компания вакили, кема операторининг айтишича, "Felicity Ace"нинг сув босиши кутилмаганда бўлган ва ёнғин бир ҳафтадан ортиқ давом этган.

Marine Traffic портали маълумотларига кўра, Германиянинг Эмден портидан 10 февраль куни йўлга чиққан кеманинг охирги манзили Дэвисвилл (Род-Айленд, АҚШ) порти бўлган. Ёнғин 16 февраль куни Атлантика океанида Азор оролларининг бир қисми бўлган Фаял ороли яқинида содир бўлганлиги ҳақида хабар берилган эди. Португалия денгиз флоти ўша куни 22 экипаж аъзосини эвакуация қилди.

Азор оролларидаги порт расмийларининг Reuters агентлигига айтишича, ўт ўчирувчилар ёнғинни фақат Felicity Ace ташқарисида ўчиришга ҳаракат қилган. Ёқилғи бакларининг портлаши эҳтимоли дадил ҳаракат қилишига тўсқинлик қилди.

Айтмоқчи, Felicity Ace бортида Porsche, Audi ва Bentley каби брендларнинг 4000 га яқин автомобиллари юкланган.