Австралияда кенгурунинг 3 та янги тури топилди

Австралиянинг Флиндерс университети тадқиқотчилари Австралияда бундан 5-40 минг йил аввал яшаганлиги тахмин қилинаётган кенгурунинг учта янги турини аниқладилар.

ABC News хабарига кўра, Megataxa журналида чоп этилган мақолада Флиндерс университети тадқиқотчилари турли музейлардан топилган топилмаларни Жанубий Австралиянинг Каллабонна кўли ҳудудидан топилган қолдиқлар билан солиштирганда йўқ бўлиб кетган Протемнодон жинсига мансуб учта янги кенгуру турини аниқладилар.

Янги турлар "protemnodon viator", "protemnodon mamakurra" ва "protemnodon dawsonae", "Viator" деб номланади. Оғирлиги 170 килограмм бўлган «Viator» уч хил турнинг энг каттаси ҳисобланади.