Авиаҳалокатда америкалик сенатор оиласи билан бирга ҳалок бўлди

Шимолий Дакота штатидан америкалик сенатор Даг Ларсен оиласи билан авиаҳалокатда вафот этди.

Бу ҳақда “AP” хабар берди.

Маълумотларга кўра, сиёсатчи билан бирга унинг рафиқаси ва икки ёш боласи вафот этган. Уларнинг кичик самолёти Юта штатида ҳалокатга учради.

Самолёт маҳаллий вақт билан якшанба куни кечқурун Канёнленд аеродромидан ҳавога кўтарилганидан кўп ўтмай ҳалокатга учраган. Шериф идораси сенаторнинг учувчи эканлигини ва самолётдаги тўрт кишининг ҳаммаси ҳалок бўлганини айтди.

Эслатиб ўтамиз, Даг Ларсен Республикачилар партияси аъзоси эди.