Аргентина чемпионатида ҳакам футболчига пичоқ билан ҳужум қилди
Футбол ҳаками Ремихио Армоа ўзи ўйинда ишлаётган жамоа футболчиларидан бирига пичоқ билан ҳужум қилди. Бу ҳақда Goal нашри хабар бермоқда.
Аргентинанинг Мисьонес провинциясида бўлиб ўтган ўйин вақтида майдонда ўзаро тортишув юзага келиб, муштлашувга айланган. Футболчилар ҳакамни ўраб олишди, Армоа пичоқни чиқариб, ўйинчилардан бирига пичоқ санчди – нашрнинг таъкидлашича, гап футболчи Кевин А ҳақида кетмоқда. Манбанинг қайд этишича, жабрланувчи Примьера Бда иштирок этаётган, Аргентина чемпионатининг иккинчи дивизионида ғолибликни қўлга киритиб, олий лигада ўйнаш ҳуқуқини қўлга киритган ғолиб "Чакарита Хуниорс" клубида ўйнайди.
Жароҳат туфайли футболчи ҳушини йўқотган. Жамоадошлари уни майдондан олиб чиқиб, шифокорларга топширишди. Футболчи касалхонага ётқизилган ва у ерда ўпкаси тешилгани аниқланган. Унинг ҳаётига ҳеч қандай хавф йўқ.
Армоа воқеадан кейин қочишга уринган, бироқ ҳуқуқ-тартибот идоралари ходимлари футбол ҳакамини ҳибсга олган, пичоқни тортиб олган ва кейинроқ футболчига қилинган ҳужум юзасидан жиноий иш очган.
