АҚШ ва Буюк Британия фуқароларини Ливандан эвакуация қилмоқда
АҚШнинг Байрутдаги элчихонаси америкаликларни ҳар қандай транспорт воситасида зудлик билан Ливанни тарк этишга чақирди. Расмийлар фуқароларга «рейс зудлик билан учмаса ёки улар танлаган йўналиш бўйича бўлмаса ҳам, ўзларида мавжуд бўлган ҳар қандай чиптани бронь қилишни» тавсия қилади.
Мамлакатда қолган америкаликлар учун элчихона «фавқулодда вазиятлар режаларини тайёрлашни ва узоқ вақт давомида ўз жойида бошпана олишга тайёр бўлишни» маслаҳат беради.
Британия ҳам ўз фуқароларини Ливанни тарк этишга чақириб, «мамлакатдаги вазият тезда ёмонлашиши мумкинлигидан» огоҳлантирди.
Эвакуацияга Исроил ва Ҳизбуллоҳ ўртасидаги зиддиятнинг кучайиши сабаб бўлган. Кетма-кет ўзаро зарбалар ва ҳар икки томоннинг юқори мартабали амалдорларининг ўлимидан сўнг минтақадаги таранглик жуда муҳим даражага етди.
Ўтган ҳафта Исроил «Ҳизбуллоҳ» қўмондони Фуад Шукрни, бир кундан кейин эса Хамас етакчиси Исмоил Ҳанияни ўлдирган. Шиа ҳаракати ўз кучларини «юқори шай ҳолатга келтирди», Эрон эса Исроилга «қаттиқ жазо» берилишини ваъда қилди.
Можаронинг авж олиш хавфи ортиб бораётган бир пайтда, Озарбайжон, Россия, Арманистон, Қозоғистон ва Беларус каби қатор давлатлар ҳам ўз фуқароларига Ливанга саёҳат қилмасликни тавсия қилди.
