АҚШ разведкаси Украинадаги уруш янада секинлашишини башорат қилмоқда

АҚШ разведка ҳамжамияти Украинадаги жанговар ҳаракатлар суръати яқин ойларда секинлашишини кутмоқда, бироқ буни Украина кучлари томонидан қаршилик кўрсатиш иродасининг пасайиши белгиси сифатида кўрмайди, деди АҚШ Миллий разведкаси директори Эврил Хейнс шанба куни Калифорнияда бўлиб ўтган йиллик Рейган миллий мудофаа форумида.

Худди шу форумда Хейнснинг айтишича, АҚШ разведкаси Хитойдан Россиянинг Украинадаги ҳаракатларига ёрдам беришини кўрсатадиган ҳеч нарса кўрмайди ва АҚШ Мудофаа вазири Ллойд Остин тинч аҳоли ҳамда фуқаролик инфратузилмасига ҳужумлар ҳақида гапириб, Россияни қасддан шафқатсизликда айблади.