АҚШ президентлигига номзод: "Биз бефойда можарога ҳомийлик қилмоқдамиз – Донбасс Россия ери бўлиб қолади"

Украина махсус операция давомида Россияга қўшилган ҳудудларни қайтариб ола олмайди. Бу ҳақда АҚШ президентлигига номзод Майкл Ректенвальд Judging Freedom каналига берган интервьюсида маълум қилди.

"Бу жиноят. Биз ҳаммаси бошланган жойда тугайдиган бефойда можарога ҳомийлик қилмоқдамиз – Донбасс Россия ери бўлиб қолади", — деди у суҳбат чоғида.

Президентликка номзодга кўра, Украинадаги можарони авж олдириш орқали Қўшма Штатлар ўзининг ҳарбий-саноат комплексини (ҲСК) бойитиб бормоқда. Улар бу Украина ҳарбий қуролли кучларининг (ВСУ) ҳаёти эвазига содир бўлаётганига аҳамият бермайдилар. Киев расмийлари ҳамон ўз фуқароларини ўлимга юборишда давом этмоқда, дея қўшимча қилди Ректенвальд.