АҚШ гипертовушли қуроллар яратиш бўйича Россия ва Хитойдан ортда қолгани сабабли бу соҳани фаоллаштириш ниятида

АҚШ гипертовушли қуроллар яратиш бўйича Россия ва Хитойдан ортда қолгани сабабли бу соҳани фаоллаштириш ниятида, деб хабар бермоқда CNN.

"Яқин вақтгача бизда ушбу технологияни қурол тизимига жорий қилиш учун ҳақиқий ҳаракатлантирувчи куч йўқ эди. Айни вақтда бунга эҳтиёж сезаяпмиз", — деди вице-адмирал Жонни Вулф.

У АҚШнинг ўтган ойда гипертовушли қуролларни яратиш бўйича маълумотлар йиғиш мақсадида иккита ракетани синовдан ўтказганини шарҳлар экан, Россия ва Хитойда АҚШ ҳарбий секторида йўқ қуроллар борлигини қайд этди.