АҚШ фуқароларига 1200 доллардан пул берилади

Коронавирус пандемиясининг иқтисодиётга таъсири оқибатларини юмшатиш учун Америка ўз фуқароларига 1200 доллардан моддий ёрдам бермоқчи.

АҚШ сенати кичик бизнес ва фуқароларга ёрдам сифатида 2 трлн. доллар ажратиш ҳақидаги қонун лойиҳасини маъқуллаган.. Бу лойиҳа бугун кўриб чиқилиб, имзоланиши кутиляпти.

Қонун лойиҳасига кўра, йиллик 75 минг доллар даромадга эга бўлган фуқароларнинг ҳар бирига 1200 доллардан пул берилади, ҳар бир болага эса 500 доллардан.

Коронавирус сабабли ишидан айрилганларга ҳам 13 ҳафта давомида моддий ёрдам ажратилади. Бу ҳолат 4 ой давомида 600 долларгача оширилиши кутиляпти.

Инқироздан жабрланган компанияларга 500 млрд. доллар миқдорида давлат кредит дастурини тақдим қилади, кичик бизнесга эса 367 млрд. доллар ажратилади.

Коронавирус пандемиясига қарши курашаётган шифокорлар эҳтиёжи учун 100 млрд. доллар ажратилади.

Бугунги статистикага кўра, Америка коронавирус юқтирганлар сони бўйича дунёда биринчи ўринга чиқиб олган. У Хитой ва Италияни ҳам ортда қолдирган.

Бунга сабаб сифатида аҳоли оммавий тест қилингани айтилган.