Ана холос! Дунёда “иккинчи Ухан” пайдо бўлди

“Американинг Флорида штатидаги Майами шаҳри коронавирус тарқалишининг янги марказига айланди”, дея маълум қилди юқумли касалликлар бўйича мутахассис Лиллиан Аббо.

Бу ҳақда “Mediaite” нашри хабар бермоқда.

"Беш ой олдин Уханда нимани кўрган бўлсак, ҳозир буни шу ерда кузатяпмиз", деган Аббо.

"Ҳозирда Флорида штатида пандемия бошланганидан буён 282.435 та коронавирус инфекцияси ҳолатлари аниқланган бўлиб, уларнинг 24 фоизи Майамига тўғри келмоқда", дейди мутахассис.

Америка Қўшма Штатлари CОVID-19 аниқланган ҳолатлар сони бўйича дунёда биринчи ўринда туради. Жонс Хопкинс университети маълумотларига кўра, мамлакатда касалликнинг 3 миллиондан ортиқ ҳолати қайд этилган, улардан 135 мингдан ортиғи ўлимга олиб келган.