Абдулазиз Комилов Қирғизистон элчихонасига келиб, ҳамдардлик билдирди

Абдулазиз Комилов Қирғизистоннинг Тошкентдаги элчихонасига келиб, чегара тўқнашувларида одамлар вафот этгани муносабати билан ҳамдардлик билдирди. 

Қирғиз расмийларига кўра, 30 апрель кунги тўқнашувларда 36 нафар қирғизистонлик вафот этди. 

Гарчи томонлар ўт очишни тўхтатишга келишган бўлса-да, даҳанаки тортишувлар ҳали ҳам давом этмоқда. Айниқса, қирғизларда кайфият жуда ёмон. Май ойида Садир Жапаров Душанбега бориши керак, худда шу саналар атрофида Қозоғистон президенти Қасим-Жомарт Тўқаев ҳам ташриф буюриши кўзда тутилмоқда.