1500 йўловчиси бўлган круиз кема Барселонада қолиб кетди
Бразилиядан Италияга йўл олган круиз кемасида бўлган 69 нафар боливиялик Шенген ҳудудига киритилмаган. Шу сабабли кема Барселонада қолиб кетди, деб ёзади Еuronews.
Бразилиядан келган MSC круиз кемаси сешанба куни эрталабдан бери Барселона портида қолиб кетди, бортидаги 1500 нафар йўловчидан 69 нафари Шенген ҳудудига кириш учун сохта виза тақдим этган.
Испания расмийлари қолган йўловчиларга сешанба куни бир неча соат тушишига рухсат берди, бироқ чоршанба куни низо ҳал этилгунга қадар кема портда қолди.
Маҳаллий ОАВ хабарларига кўра, 10 000 долларлик виза круиз пакетини сотиб олган 69 боливиялик фирибгарлик қурбони бўлган бўлиши мумкин. Боливияликларнинг сўзларига кўра, уларнинг бир қисмини Барселона портида қариндошлари кутишмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
