Zelenskiy Ukrainadan aholining rekord darajada chiqib ketishini tan oldi
![Zelenskiy Ukrainadan aholining rekord darajada chiqib ketishini tan oldi Zelenskiy Ukrainadan aholining rekord darajada chiqib ketishini tan oldi](/photos/news/w1p8sFeyic9arRb.jpeg)
Ukraina prezidenti Vladimir Zelenskiy Tashqi ishlar vazirligi xodimlari oldidagi nutqida mamlakat aholisining rekord darajada chiqib ketishiga duch kelayotganini tan oldi. Uning nutqi rasmiy Telegram kanalida e’lon qilindi.
Zelenskiyning so‘zlariga ko‘ra, gap millionlab ukrainaliklar haqida ketmoqda – Ukrainaning xorijda hech qachon bunday miqdordagi fuqarolari bo‘lmagan.
U, shuningdek, mamlakatdan tashqarida ukrainaliklarning manfaatlarini himoya qiladigan yangi institut tashkil etilishini ma’lum qildi. Ushbu bo‘lim Tashqi ishlar vazirligining ayrim funksiyalarini o‘z zimmasiga oladi. Prezident xorijga sayohat qilayotgan ukrainaliklar Rossiya tashviqoti ta’sirida bo‘lib, o‘z vatanlari bilan madaniy aloqalarini yo‘qotayotganini ta’kidladi.
«Millionlab fuqarolarimiz boshqa mamlakatlarda. Ularning Ukraina bilan aloqalari va xalq sifatida bizning manfaatlarimizni himoya qilish yangi institutning vazifasi bo‘ladi», — dedi Zelenskiy.