Xitoy qo‘shini Hindiston chegarasi tomon harakatlanmoqda
Reuters axborot agentligining AQShning Maxar Technologies sun’iy yo‘ldosh kompaniyasi suratlariga asoslanib bergan xabariga ko‘ra, Xitoy harbiylari Ladox yaqinida yangi harbiy lager qurmoqda, ushbu hududga bir necha yillardan beri Hindiston, Pokiston va Xitoy da’vogarlik qilayotgan edi.
Koinotdan olingan tasvirlarda Xitoy armiyasi nazorat qilayotgan hududda chodirlar paydo bo‘lgani, bir hafta avval bu yerda bo‘lmagan ob’ektlar qurila boshlagani aks etgan.
Foto: Reuters
Xitoy askarlari avval kuzatuv punkti bo‘lgan va Hindiston armiyasi ob’ektni buzib tashlagan manzilda pulemyotlar o‘rnatish uchun lager shakllantirmoqda.
O‘z navbatida Hindiston hukumati nazorat chizig‘ida xitoyliklar bilan to‘qnashuv sodir bo‘lsa, ogohlantirishsiz o‘t ochishga ruxsat bergan.