Venera atmosferasidagi chaqnashlarning sabablari aniqlandi

Steenford universiteti olimlari Venera sayyorasining zich atmosferasida qayd etilgan sirli chaqnashlar sababini aniqlashdi.

Ularning nazariyalaridan biriga ko‘ra, ular chaqmoq ta’sirida yuzaga kelgan. Ammo yangi tadqiqot mazkur hodisa meteoritlar bilan bog‘liq bo‘lishi mumkinligini ko‘rsatdi.

Chaqnashlarning tabiatini tushunish Veneraga amalga oshiriladigan bo‘lajak missiyalar uchun muhimdir. Chaqmoq atmosferadan o‘tadigan zondlar uchun xavf tug‘dirishi mumkin. Biroq izolyasiya qilingan meteoritlar katta xavf tug‘dirmaydi.

Veneraga yetib borishga muvaffaq bo‘lgan uchuvchisiz transport vositalari Yerdagi chaqmoq paytida sodir bo‘ladigan elektromagnit shovqinga o‘xshash signal berdi. Orbitalar va yerga moslangan teleskoplar atmosferada qisqa chaqnashlarni qayd etdi.

Yangi tadqiqot mualliflari interferensiya va chaqnashlar hech qachon bir vaqtning o‘zida sodir bo‘lmaganini ta’kidlashdi. Ular Arizona shtatidagi Bigelou tog‘i teleskopi ma’lumotlarini va Yaponiyaning “Akasuki” orbital asboblarini tahlil qilishdi.

Natijalar shuni ko‘rsatdiki, Venera atmosferasida yiliga 10 000 dan 100 000 gacha chaqnashlar yuzaga keladi. Chaqnashlar sonining ko‘pligini meteoritlarning tushishi bilan izohlash mumkin. Ushbu ob’ektlar Venerada Yerga qaraganda ancha yorqinroq ko‘rinadi, chunki ular tezroq harakat qilishadi. Bu qisman Venera Quyosh atrofida Yerga qaraganda tezroq aylanishi bilan bog‘liq.

Bir vaqtning o‘zida Veneradagi chaqnashlar va elektromagnit shovqinini o‘lchaydigan kelajakdagi kuzatuvlar bu nazariyani tasdiqlash imkonini beradi, deb xabar beradi mir24.tv.