O‘zbekiston paxtasini eng ko‘p hajmda sotib oluvchi davlat qaysi?

Kecha, Axborot va ommaviy kommunikasiyalar agentligida O‘zbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi mansabdor shaxslari ishtirokida matbuot anjuman bo‘lib o‘tdi.

Inspeksiya huzuridagi paxta mahsulotini sertifikatlash boshqarmasi boshlig‘i Zohid Toshmatov O‘zbekiston paxta yetishtiruvchi davlatlar orasida nechanchi o‘rinni egallashi haqidagi savoliga respublika paxta yetishtiruvchi davlatlar yetakchi o‘ntaligiga va paxta tolasi sifati bo‘yicha yetakchi beshtalikka kirishini ma’lum qildi.

“O‘zbekiston paxtasining asosiy xaridorlari mahalliy ishlab chiqaruvchilar hisoblanadi. Paxtaning 90 foizini mahalliy korxonalar xarid qildi. Xorijdagi eng yirik xaridor Xitoy Xalq Respublikasi hisoblanadi”, deb aytgan Toshmatov.

Toshmatovning ta’kidlashicha, o‘zbek paxtasini sotib oluvchi davlatlarga sifat uchun qo‘shimcha narx belgilangan.