O‘ta mahoratli bo‘lgan amerikalik uchuvchi Ukraina uchun jang qilishga tayyor

F-16 qiruvchisini boshqarishda o‘ta mahoratli bo‘lgan amerikalik uchuvchi Ukraina uchun jang qilishga tayyorligini bildirdi.

AQSh harbiy-dengiz kuchlarida 20 yil xizmat qilgan iste’fodagi podpolkovnik Den Xempton 151 ta jangovar parvozni amalga oshirgan, xususan Fors ko‘rfazi, Kosovo va Iroq urushlarida qatnashgan.

“Ukraina Rossiyaga qarshi urushmoqda. Bu oq va qora to‘qnashuvi — yovuzlikka qarshi yaxshilik, kim haq, kim nohaq degan savolga o‘rin yo‘q... Hatto o‘zim ham boraman, birinchilardan bo‘laman, menga ishonishingiz mumkin”, — dedi u “Amerika Ovozi” bilan suhbatda.