Toshkentning ayrim hududlarida gaz ta’minoti vaqtincha to‘xtatildi

Toshkentning ayrim hududlarida gaz ta’minoti vaqtincha to‘xtatildi

Toshkent shahar Chilonzor tumanining ayrim joylarida ta’mirlash ishlari sababli tabiiy gaz ta’minoti vaqtinchalik to‘xtatiladi. Bu haqda “Hududgaz Poytaxt” matbuot xizmati xabar berdi.

Qayd etilishicha, tumanning “Xirmon-tepa” MFY hududidan o‘tgan yer usti d-76 millimetrli o‘rta bosim gaz quvurini xavfsiz joyga ko‘chirish ishlari “Hududgaz Poytaxt” GTFning “Chilonzortumangaz” gaz ta’minoti bo‘limi tomonidan amalga oshirish rejalashtirilgan.

Shu tufayli 1 aprel kuni soat 10:00 dan 17:00 ga qadar quyidagi tabiiy gaz iste’molchilarida gaz ta’minoti vaqtinchalik to‘xtatiladi:

“Xirmon-tepa”, “Kichik xirmon-tepa”, “Katta xirmon-tepa” MFYlarida joylashgan ko‘p qavatli uylardagi jami 5 306 ta aholi xonadonlarida hamda 14 ta ulgurji iste’molchilarida.

Ta’mirlash ishlari yakunlangach, tabiiy gaz ta’minoti qayta tiklanadi. Yetkazilayotgan noqulayliklar uchun “Hududgaz Poytaxt” gaz ta’minoti filiali iste’molchilardan uzr so‘raydi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!