Tanishining 164 mln. so‘mini o‘zlashtirgan fuqaro ushlandi

Joriy yilning 8 dekabr kuni Toshkent shahar IIBBga kelib tushgan hujjatlarga ko‘ra, unda 2016 yil noyabr oyida Uchtepa tumanida yashovchi J.YU. Ahil mahallasi hududida tanishi M.A.ga Olmazor tumani hududidan 2 xonalik uy olib berishlikni aytib, uni aldab 164 mln. so‘m pulini olib, shu kunga qadar uy olib bermasdan pullarni o‘z ehtiyoji uchun ishlatib yuborganligi ko‘rsatilgan. J.YU. ushlangan.

O‘zbekiston Respublikasi IIV Jamoatchilik va OAV bilan aloqalar boshqarmasining xabar berishicha, holat yuzasidan jinoyat ishi qo‘zg‘atilib, tergov harakatlari olib borilmoqda.