Sviridenko AQShdagi elchi bo‘lish taklifini rad etdi

Bu haqda "RBK-Ukraina" xabar berdi.

​Kuni kecha iste’foga chiqish to‘g‘risida ariza bergan Ukraina Bosh vaziri o‘rinbosari Yuliya Sviridenko Prezident Vladimir Zelenskiyning Ukrainaning AQShdagi yangi elchisi bo‘lish taklifini qabul qilmadi, — deb xabar bermoqda "RBK-Ukraina" vaziyatdan xabardor manbaga tayanib.

​Sviridenkoga elchilik lavozimi taklif qilingani haqida rasmiy ma’lumot berilmagan.

​Sviridenkoning iste’foga chiqish haqidagi arizasi kuni kecha Oliy Radaga kelib tushgan va Ukraina parlamenti uni chorshanba kuni ko‘rib chiqishi kutilmoqda.

​Avvalroq Zelenskiy Sviridenkoning yaqin oradagi iste’fosini e’lon qilar ekan, buni Ukraina strategiyasining o‘zgarishi va hukumat ishida yangi ustuvor yo‘nalishlarni ajratib ko‘rsatgan holda Vazirlar Mahkamasining qayta shakllantirilishi bilan izohlagan edi.

​Hozirda Ukrainaning AQShdagi diplomatik vakolatxonasiga ilgari adliya vaziri bo‘lgan Olga Stefanishina rahbarlik qilmoqda.