Свириденко АҚШдаги элчи бўлиш таклифини рад этди
Бу ҳақда "РБК-Украина" хабар берди.
Куни кеча истеъфога чиқиш тўғрисида ариза берган Украина Бош вазири ўринбосари Юлия Свириденко Президент Владимир Зеленскийнинг Украинанинг АҚШдаги янги элчиси бўлиш таклифини қабул қилмади, — деб хабар бермоқда "РБК-Украина" вазиятдан хабардор манбага таяниб.
Свириденкога элчилик лавозими таклиф қилингани ҳақида расмий маълумот берилмаган.
Свириденконинг истеъфога чиқиш ҳақидаги аризаси куни кеча Олий Радага келиб тушган ва Украина парламенти уни чоршанба куни кўриб чиқиши кутилмоқда.
Аввалроқ Зеленский Свириденконинг яқин орадаги истеъфосини эълон қилар экан, буни Украина стратегиясининг ўзгариши ва ҳукумат ишида янги устувор йўналишларни ажратиб кўрсатган ҳолда Вазирлар Маҳкамасининг қайта шакллантирилиши билан изоҳлаган эди.
Ҳозирда Украинанинг АҚШдаги дипломатик ваколатхонасига илгари адлия вазири бўлган Олга Стефанишина раҳбарлик қилмоқда.
