Surxondaryoda bosh muhandis fuqarolarning pulini "eb yubordi"

Javlon Samadov (ism-sharifi o‘zgartirilgan) Muzrabot tumanidagi elektr tarmoqlari korxonasida bosh muhandis lavozimida ishlardi. U yaxshigina maoshiga qanoat qilmay, oson pul topishni istab qoldi.

Shu niyatda “Yurtim jamoli” mahallasidagi 45 xo‘jalikka transformator va simyog‘ochlar o‘rnatib berishni va’da qilib, fuqarolardan yig‘ilgan 8 million so‘m pulni olib, o‘z ehtiyojlariga sarflab yubordi. Oxirini o‘ylamay ish tutgan J.Samadovning bu harakati u o‘ylagandek yakunlanmadi. Odamlar uning yolg‘onlariga ishonishmadi. Kuta-kuta tarnsformator kelavermagach, ular tuman IIBga murojaat qilishdi.

"Postda"ning xabariga ko‘ra, J.Samadovga nisbatan jinoyat ishi qo‘zg‘atildi.

Xursan ARIPOV,
viloyati IIB huzuridagi Tergov boshqarmasi
bo‘linma boshlig‘i, polkovnik