Saudiya Arabistoni Tojikistonga 50 tonna xurmo sovg‘a qildi

Qirol Salmon nomidagi gumanitar harakat markazi Tojikistonga 50 tonna xurmo sovg‘a qildi. Bu haqda “Sputnik-Tojikiston” xabar bermoqda.

Xurmolarni topshirish marosimi Saudiya Arabistonining Dushanbedagi elchixonasida bo‘lib o‘tdi. Saudiya Arabistoni elchisi Abdulaziz ibn Muhammad al-Badiyning aytishicha, mazkur meva ehtiyojmandlarga tarqatiladi.

Bundan tashqari, Gumanitar harakat markazi Tojikistonda qiymati 7 million dollarga teng sohillarni mustahkamlash loyihasini amalga oshirmoqda.

Yana bir loyiha – Favqulodda vaziyatlar va fuqaro mudofaasi qo‘mitasi o‘quv markazi binosining qurilishiga 1 million dollar sarflandi. Yangi binoning ochilish marosimi tez orada bo‘lib o‘tishi kutilmoqda.

Manba: azon.uz