Саудия Арабистони Тожикистонга 50 тонна хурмо совға қилди

Қирол Салмон номидаги гуманитар ҳаракат маркази Тожикистонга 50 тонна хурмо совға қилди. Бу ҳақда “Спутник-Тожикистон” хабар бермоқда.

Хурмоларни топшириш маросими Саудия Арабистонининг Душанбедаги элчихонасида бўлиб ўтди. Саудия Арабистони элчиси Абдулазиз ибн Муҳаммад ал-Бадийнинг айтишича, мазкур мева эҳтиёжмандларга тарқатилади.

Бундан ташқари, Гуманитар ҳаракат маркази Тожикистонда қиймати 7 миллион долларга тенг соҳилларни мустаҳкамлаш лойиҳасини амалга оширмоқда.

Яна бир лойиҳа – Фавқулодда вазиятлар ва фуқаро мудофааси қўмитаси ўқув маркази биносининг қурилишига 1 миллион доллар сарфланди. Янги бинонинг очилиш маросими тез орада бўлиб ўтиши кутилмоқда.

Manba: azon.uz