Sardor Komilov Stiv Sverdlovning huquqlarini poymol qilmagan
Ommaviy axborot vositalarida turli xil yo‘nalishlar, jurnalistik surishtiruv ishlari , muxbirlikdagi xoh u reportaj va yoki paparassi yo‘nalishi bo‘lmasin, har biridan foydalanish huquqi chegaralanmagan.
Dunyo miqyosida qo‘llaniladigan ushbu yo‘nalishlar bizda ham qo‘llanishida, avvalo, qonun buzilmasligi muhim.
1. Stiv Sverdlov va Sayyod.com sayti bilan bo‘lib o‘tgan mojaroda qonunchilikdagi jinoyat va yoki ma’muriy javobgarlikka oid holat kuzatilmagan.
2 . Mehmonxonaning umumiy va keng omma uchun ochiq bo‘lgan joyida bo‘lib o‘tgan suratga olish ishlarini cheklovchi birorta taqiqlovchi yozuv yo surat bo‘lmagan.
3 . Shuningdek, videodan ko‘rinib turibdiki, boshidan to oxirigacha Stiv Sverdlov "Meni video yoki suratga olmanglar!" deya e’tiroz ham bildirmagan va suratga olishni to‘xtatishni talab ham etmay, aksincha, kameraga javoblarini bergan. Bu holatda uning ham huquqlari poymol etilmagan.
4 . Boshqa tarafdan, Sardor Kamilov o‘z fikriga monand fuqarolik pozisiyasini emin erkin ifodalash huquqiga ega hamda so‘z erkinligidan foydalangan.
Dunyo miqyosida huquqlar va demokratiyani himoyalash bo‘yicha mas’ullar esa ushbu holat yuzasidan o‘z pozisiyalariga qarshi chiqqan holda aynan so‘z erkinligi va demokratiyaga qarshi e’tiroz qilishmoqda.