Samolyot bortida yo‘lovchilardan besh ming dollar o‘g‘irlagan styuard qo‘lga olindi

Dubayda aviakompaniya styuardi biznes-klassdagi yo‘lovchilardan 5000 dollar o‘g‘irlash ayblovi bilan sud qilinmoqda. Bu haqda Kun.uz xabar berdi.

Nashrga ko‘ra, hodisa Bangkokdan Dubayga parvoz qilgan uch aka-uka o‘zlari bilan birga bo‘lgan otalarining ahvolidan xabar olish uchun o‘z joylarini tark etishganida yuz berdi. Ular o‘z o‘rinlariga qaytgach, jami 18,5 ming BAA dirhami (5 ming dollar) yo‘qolganligini aniqlashdi.

Samolyotni tekshirish uchun kelgan polisiyachilar bortda yo‘qolgan pullarni topa olishmadi. Ular tomonidan olingan barmoq izlari bo‘yicha gumondor - Misrning 37 yoshli fuqarosi, reys iqtisod-klassida styuard bo‘lib ishlagan shaxs qo‘lga olindi.

Tergov jarayonida ayblanuvchi dastlab o‘z aybini tan olmadi, keyinchalik o‘g‘rilik sodir etganligini bildirdi. Uning so‘zlariga ko‘ra, qo‘nishdan avval o‘marilgan kupyuralarni hojatxonada oqizib yuborgan, bu voqeadan polisiya xabardor etilgani tufayli yuz bergan, deb xabar qiladi nashr.

Hodisa 21 iyun kuni sodir bo‘lgan, gumondor 24 iyul kuni, bir oydan keyin Dubay aeroportida polisiya tomonidan ushlandi. Voqea ro‘y bergan aviakompaniya nomi oshkor etilmayapti, biroq, qator OAV ma’lumotiga ko‘ra, bu Emirates samolyoti bo‘lgan.

Manba: kun.uz