Samarqandning ayrim ko‘chalarida transport harakati cheklanadi

Samarqandda sammit o‘tkazilishi munosabati bilan 10-11 noyabr kunlari ayrim ko‘chalarda transport vositalari harakati vaqti-vaqti bilan cheklanadi.

Samarqand ichki ishlar boshqarmasi xabariga ko‘ra, Turkiy davlatlar tashkilotining I-sammiti o‘tkazilishi munosabati bilan tadbir kunlari Samarqandning ayrim ko‘chalarida transport vositalarining harakati cheklanadi.

Harakat qatnovi cheklangan ko‘chalarda tez tibbiy yordam va favqulodda vaziyatlar bo‘linmalari transport vositalariga istisno tariqasida harakatlanish uchun ruxsat beriladi.