Sadir Japarov Melis Aspekovning maktubi haqida gapirdi
Avvalroq ijtimoiy tarmoqlarda Melis Aspekovning maktubi paydo bo‘lgan edi. Unda Aspekov oktyabr voqealari chog‘ida Japarov Raiybek Matraimovdan 3 million dollar olganini ma’lum qilgan.
“Menimcha, bunday firibgarlarga javob berish kerak emas. “Mening yolg‘onlar va yolg‘onchilarga munosabat bildirishga vaqtim yo‘q”, – deb javob berdi prezident “Kabar” agentligiga bergan intervyusida.
Eslatib o‘tamiz, joriy yilning mart oyida Melis Aspekov “Ommaviy tartibsizliklarga tayyorgarlik ko‘rish” moddasi bo‘yicha ayblanib, qattiq tartibli koloniyaga yetti yilga ozodlikdan mahrum etilgan edi.
Shundan so‘ng ijtimoiy tarmoqlarda uning maktubi e’lon qilindi, unda oktyabr voqealari chog‘ida Sadir Japarov bojxona boshlig‘ining sobiq o‘rinbosari Raiybek Matraimovdan mablag‘ olgani aytilgan. Prezident matbuot xizmati rahbari Dayirbek O‘runbekov bu gapni yolg‘on deb atadi va Aspekovning o‘zi hayotiga oid ba’zi ma’lumotlar bilan o‘rtoqlashdi.
