Rossiyada fuqarolarning «ijtimoiy reytingini» tuzish boshlandi

Rossiya fuqarolar uchun ijtimoiy reyting tizimini ishga tushirdi, bu tizim insonning davlat uchun «foydaliligi», shuningdek, uning shaxsiy istiqbollarini baholaydi. «Biz» ijtimoiy skoring loyihasi Rossiya davlat ijtimoiy universiteti tomonidan ishlab chiqilgan, deb xabar beradi «Vesti Obrazovaniya».

Ayni paytda dasturda ishtirok etish ixtiyoriydir;

Hujjatda ta’lim, farzandlari va qaramog‘ida bo‘lgan shaxslarning borligi, daromad manbalari, nafaqalar, qarz miqdori, sudlanganlik holati, ijtimoiy tarmoqlarning mavjudligi, jamoat hayotidagi ishtiroki, davlat mukofotlari, tillarni bilishi, sportga sodiqlik va sog‘lom turmush tarziga oid savollar o‘rin olgan.

So‘rovni tugatgandan so‘ng, tizim ball beradi: davlat nuqtai nazaridan «xizmat» va uning «istiqbollari». Masalan, ball kodi 47-29 kabi ko‘rinishi mumkin. Platforma sizdan ijtimoiy reytingingizni qanday yaxshilash bo‘yicha maslahat uchun pul to‘lashingizni so‘raydi.

Hozirda platforma test rejimida ishlamoqda.
Ko‘pchilik ekspertlar «Biz»ni Xitoyda 2014 yildan beri qo‘llanilayotgan narsaning analogi deb ataydi, deb yozadi «Kommersant».

Reytingi past bo‘lgan Xitoy fuqarolari ayrim munisipalitetlarda ma’lum huquq va imkoniyatlarga ega bo‘lishi mumkin.