“Qozoq-o‘zbek tandemi” atamasining paydo bo‘lishi bejiz emas – ekspert

QR Prezidentining O‘zbekistonga tashrifi chog‘ida “qozoq-o‘zbek tandemi” atamasi bejiz paydo bo‘lgani yo‘q. Bu ikki davlat va umuman Markaziy Osiyo davlatlarining o‘zaro tandemidan dalolat beradi. Taniqli o‘zbekistonlik siyosatshunos Farxod Tolipov QR Prezidenti Qasim-Jomart Toqayev va O‘zbekiston rahbari Shavkat Mirziyoyevning norasmiy uchrashuvi haqida shunday fikr bildirdi, deb xabar beradi Kazinform agentligining Toshkentdagi muxbiri Alixan Asqar.

“Davlat, rasmiy va ishbilarmonlik tashriflaridan tashqari, norasmiy uchrashuvlar ham juda muhim. Bu nafaqat mamlakatlar, balki yetakchilar o‘rtasidagi do‘stlikdan dalolatdir. “Qozoq-o‘zbek tandemi” atamasining aynan shu tashrif davomida paydo bo‘lgani bejiz emas. Bu ikki davlat va umuman Markaziy Osiyo davlatlarining tandem mavjudligidan dalolat beradi. Avvalgi munosabatlarning tizimli va sifatli rivojlanishi uni yuqori darajaga olib chiqdi”, – dedi Farxod Tolipov.

Mutaxassis Qozog‘iston va O‘zbekiston bir muddat avval samarali hamkorlikdagi ishlar tufayli strategik sherik darajasiga erishganini ta’kidladi. Bugungi kunda munosabatlar mustahkamlamoqda.

“Norasmiy tashrif chog‘ida Qozog‘iston va O‘zbekiston o‘rtasidagi 2034 yilgacha bo‘lgan strategik sheriklik va ittifoqchilik dasturi tasdiqlandi. Bu ikki davlat o‘zaro munosabatlarni yangi bosqichga ko‘targanini va uning kelajakda katta salohiyatga ega ekanligini ko‘rayotganini anglatadi. Umuman olganda, Qozog‘iston va O‘zbekiston Markaziy Osiyoning boshqa davlatlari uchun namuna sifatida qaraladi”, – deya o‘z fikri bilan o‘rtoqlashdi siyosatshunos.

Farxod Tolipovning fikricha, dunyodagi murakkab geosiyosiy vaziyatda ikki davlat o‘rtasidagi munosabatlarni barcha jabhalarda mustahkamlash juda muhim. Zero, boshqa mamlakatlarda sodir bo‘layotgan vaziyatlarning salbiy oqibatlari Markaziy Osiyo mintaqasida ham sezilishi mumkin. Shuning uchun uni oldini olish, bir-birlari bilan kelishib harakat qilish tavsiya etiladi.

“Ma’lumki, Markaziy Osiyo mamlakatlari rivojlanishida doimo geosiyosiy tendensiyalar mavjud. Ular davom etadi. Bunday davrda Qasim-Jomart Toqayev va Shavkat Mirziyoyev ittifoqni mustahkamlash va yuzaga kelishi mumkin bo‘lgan tahdidlarga birgalikda qarshi turish uchun tandemda ishlashga kelishib oldilar. Shu bilan birga, ikki prezident faqat Qozog‘iston-O‘zbekiston munosabatlari haqida gapirmadi. Ular mintaqadagi muhim masalalar yuzasidan fikr almashdilar. Markaziy Osiyo alohida mintaqa bo‘lib, u yerda ikki davlat o‘rtasidagi munosabatlardagi muammolarni hal qilish qiyin. Bu yerda barcha davlatlarning ishtiroki muhim”, – deya xulosa qildi F.Tolipov.