Putinni haqorat qilgan qariyaga jarima solindi
Nafaqaxo‘r Anatoliy Lileykin “Vkontakte” ijtimoiy tarmog‘idagi Rossiya prezidenti Vladimir Putinni "yolg‘onchi", shuningdek "davlat jinoyatchisi" deb atagan xabari uchun 70 ming rubl miqdorida jarima to‘laydi.
"Agora" huquqni himoya qilish tashkiloti rahbari Pavel Chikovning o‘z telegram kanalida ma’lum qilishicha, nafaqaxo‘r "hokimiyatga hurmatsizlik" moddasi bo‘yicha aybdor deb topilgan.
Advokat Feliks Vertegel suddan Vladimir Putinni jabrlanuvchi sifatida tan olishni va uni sudga chaqirishni so‘ragan, ammo bu talab rad etilgan.
Endilik "Rosshtraf" ijtimoiy loyihasi ushbu jarimani to‘lash maqsadida nafaqaxo‘r uchun pul yig‘ishni boshladi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)