Putin koronavirusga qarshi muhim topshiriqlar berdi

Rossiya prezidenti Vladimir Putin hukumatga koronavirus cheklovlariga duch kelgan iqtisodiyotni qayta tiklash bo‘yicha 1 iyunga qadar umummilliy harakat rejasini taqdim etishni buyurdi.

Koronavirus bilan davolanayotgan Bosh vazir Mixail Mishustin, shuningdek viloyat gubernatorlari ushbu rejani tuzish uchun mas’ul etib tayinlangan.

Vazirlar Mahkamasiga va Davlat kengashining ishchi guruhiga epidemiologik vaziyatga qarab hududlarda cheklovlarni bosqichma-bosqich bartaraf etish bo‘yicha tavsiyalar tayyorlash topshirildi.

Sog‘liqni saqlash vazirligiga va Rospotrebnadzorga monitoringdan so‘ng infeksiyani nazorat qilish choralarini to‘g‘irlash topshirildi.

Bundan tashqari, Putin Vazirlar Mahkamasiga 25 maygacha epidemiyaga qarshi kurashda ishtirok etgan xodimlarga rag‘batlantirish to‘lovlari uchun mablag‘ ajratish masalasini hal qilishni buyurdi.

Shuningdek, federal mablag‘lar hisobiga Murmansk viloyatining Belokamenka shahrida dala kasalxonasini joylashtirish topshirildi.

Hukumat va Favqulodda vaziyatlar vazirligi "Sovid-19"ning tarqalish xavfini kamaytirish uchun 20 mayga qadar boshqa mintaqalarda yig‘ma dala kasalxonalarini joylashtirish bo‘yicha takliflar kiritishi kerak.

Eslatib o‘tamiz, Rossiya koronavirus bilan kasallanganlar soni bo‘yicha dunyoda uchinchi o‘ringa ko‘tarildi. Ushbu mamlakatda 221 344 ta yuqumli kasallik aniqlangan — bu faqat AQSh va Ispaniyadan ko‘proq. O‘tgan kun davomida maksimal o‘sish qayd etildi — 84 ta hududda 11656 nafar koronavirus qayd etildi.