Путин коронавирусга қарши муҳим топшириқлар берди
Россия президенти Владимир Путин ҳукуматга коронавирус чекловларига дуч келган иқтисодиётни қайта тиклаш бўйича 1 июнга қадар умуммиллий ҳаракат режасини тақдим этишни буюрди.
Коронавирус билан даволанаётган Бош вазир Михаил Мишустин, шунингдек вилоят губернаторлари ушбу режани тузиш учун масъул этиб тайинланган.
Вазирлар Маҳкамасига ва Давлат кенгашининг ишчи гуруҳига эпидемиологик вазиятга қараб ҳудудларда чекловларни босқичма-босқич бартараф этиш бўйича тавсиялар тайёрлаш топширилди.
Соғлиқни сақлаш вазирлигига ва Роспотребнадзорга мониторингдан сўнг инфекцияни назорат қилиш чораларини тўғирлаш топширилди.
Бундан ташқари, Путин Вазирлар Маҳкамасига 25 майгача эпидемияга қарши курашда иштирок этган ходимларга рағбатлантириш тўловлари учун маблағ ажратиш масаласини ҳал қилишни буюрди.
Шунингдек, федерал маблағлар ҳисобига Мурманск вилоятининг Белокаменка шаҳрида дала касалхонасини жойлаштириш топширилди.
Ҳукумат ва Фавқулодда вазиятлар вазирлиги "Совид-19"нинг тарқалиш хавфини камайтириш учун 20 майга қадар бошқа минтақаларда йиғма дала касалхоналарини жойлаштириш бўйича таклифлар киритиши керак.
Эслатиб ўтамиз, Россия коронавирус билан касалланганлар сони бўйича дунёда учинчи ўринга кўтарилди. Ушбу мамлакатда 221 344 та юқумли касаллик аниқланган — бу фақат АҚШ ва Испаниядан кўпроқ. Ўтган кун давомида максимал ўсиш қайд этилди — 84 та ҳудудда 11656 нафар коронавирус қайд этилди.
