Putin Gurbanguli bilan koronavirus haqida suhbatlashdi
Rossiya prezidenti Vladimir Putin Turkmaniston rahbari Gurbanguli Berdimuhamedov bilan koronavirusga qarshi kurash bo‘yicha qo‘shma hamkorlik masalalarini muhokama qildi. Telefon suhbati haqida Kreml saytida xabar berilgan.
Davlat rahbarlari, shuningdek, savdo-iqtisodiy hamkorlikka e’tibor qaratib, ikki tomonlama kun tartibining dolzarb masalalariga to‘xtalib o‘tdilar va strategik sheriklikni yanada rivojlantirishga kelishib oldilar.
Suhbat davomida Vladimir Putin Berdimuhamedovni tug‘ilgan kuni bilan tabrikladi: 29 iyun kuni u 64 yoshga to‘ldi. Shu munosabat bilan Rossiya Prezidenti hamkasbiga tabrik telegrammasini yuborgan.
"Sizning rahbarligingizda Turkmaniston ijtimoiy-iqtisodiy rivojlanish yo‘lida bormoqda, mintaqaviy va xalqaro ishlarda muhim konstruktiv rol o‘ynaydi", deyiladi tabrikda. Rossiya prezidenti, shuningdek, Turkmaniston rahbarining davlatlar o‘rtasidagi strategik sheriklikni rivojlantirish borasidagi sa’y-harakatlarini yuqori baholadi.
