Kecha Qoraqalpog‘istonda chang bo‘roni ko‘tarildi

O‘zgidrometga ko‘ra, 1 dekabr kuni Qoraqalpog‘iston respublikasining olis shimoliy-g‘arbiy "Qoraqalpoq" meteorologik stansiyasida mahalliy vaqt soat 13:10 dan 14:40 oralig‘ida chang bo‘ronlar ko‘tarildi.

Qoraqalpoq meteorologik stansiyasida ko‘tarilgan chang bo‘ron davrida janubi-sharqiy shamolning maksimal kuchi 20 m/sgacha kuchayib, ko‘rinuvchanlik 900 metrgacha cheklandi. Chang bo‘ron mahalliy xususiyatga ega bo‘lib, u tezda bosildi.

Bugun Qashqadaryo viloyatining Qarshi va G‘uzor meteorologik kuzatuv stansiyalarida havo harorati maksimumlari qariyib, +26 daraja issiq haroratni ko‘rsatdi.