Isroil Eron hujumiga javob beradi - SAXAL
Isroil armiyasi bosh shtabi boshlig‘i Gersi Xalevi Isroil Eronning raketa hujumiga javob berishini va buni qanday amalga oshirishni hal qilayotganini aytdi, deb xabar beradi Kazinform agentligi Euronewsga tayanib.
"Eron o‘z harakatlarining oqibatlariga duch keladi. Biz tegishli javobni tanlaymiz. SAXAL har qanday tahdidga qarshi turishga tayyor”, - dedi u.
Isroil Bosh vaziri Binyamin Netanyaxu SAXALdan Eronga qurbonlar keltirmasdan “signal yuboradigan” maqsadli variantlarni taqdim etishni so‘radi.
G‘arb ittifoqchilari nafaqat Isroilni bir ovozdan qo‘llab-quvvatladilar, balki unga Eron hujumini qaytarishga yordam berdilar - AQSH, Britaniya va Fransiya harbiylari tomonidan o‘nlab dron va raketalar urib tushirildi. Shu bilan birga, ular Yaqin Sharqdagi mojaroning kuchayishiga yo‘l qo‘ymaslikka harakat qilmoqda.
Eslatib o‘tamiz, yakshanbaga o‘tar kechasi Eron Isroilga hujum qilib, 185 ta dron, 36 ta qanotli raketa va 110 ta “er-er” raketalarini otgan edi.
