Is gazidan yana bir kishi vafot etdi
Is gazidan zaharlanish natijasida vafot etish bilan bog‘liq navbatdagi holat qayd etildi. Bu haqda O‘zbekiston Respublikasi Ichki ishlar vazirligi xabar bermoqda.
Kecha, 11 noyabr kuni Samarqand viloyatining Kattaqo‘rg‘on tumani “Kumushqirg‘oq” MFYda yashagan YU.L. ismli fuqaro uyida isitish pechiga suyultirilgan gazni shlang orqali ulab, uxlab qolgan.
Oqibatida fuqaro isitish pechidan sizib chiqqan is gazidan zaharlanib, shifoxonaga keltirilgan. U shifoxonaga keltirilganda vafot etgan.
Holat yuzasidan surishtiruv ishlari olib borilmoqda.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
