Hindiston va Xitoy o‘rtasida yana qurolli to‘qnashuv boshlandi
Hindiston mudofaa vazirligi Xitoy qo‘shinlari bilan yangi to‘qnashuv haqida xabar berdi, deb yozadi Times of India.
"29 avgustdan 30 avgustga o‘tar kechasi Xitoy Xalq ozodlik armiyasi qo‘shinlari Sharqiy Ladakxdagi to‘qnashuvlar bo‘yicha harbiy va diplomatik uchrashuvlarda erishilgan avvalgi kelishuvni buzdilar va status-kvoni o‘zgartirish maqsadida provokasion harbiy harakatlarni amalga oshirdilar", - deyiladi xabarda.
Chushul-Moldo hududidagi hind zastavasidagi vaziyatni hal qilish uchun brigada qo‘mondonlari darajasida uchrashuv o‘tkazilmoqda.
Eslatib o‘tamiz, dunyoning aholisi eng ko‘p ikki mamlakat - Hindiston va Xitoyni Makmagon chizig‘i deb nomlangan shartli chiziq ajratib turadi. Hindiston va Dalay Lama hukumati mavjud chegarani tan olishgan, ammo 1959 yildagi rasmiy diplomatik notada e’lon qilinganidek Xitoy buni tan olmagan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
