Ҳиндистон ва Хитой ўртасида яна қуролли тўқнашув бошланди

Ҳиндистон ва Хитой ўртасида яна қуролли тўқнашув бошланди

Ҳиндистон мудофаа вазирлиги Хитой қўшинлари билан янги тўқнашув ҳақида хабар берди, деб ёзади Times of India.

"29 августдан 30 августга ўтар кечаси Хитой Халқ озодлик армияси қўшинлари Шарқий Ладакхдаги тўқнашувлар бўйича ҳарбий ва дипломатик учрашувларда эришилган аввалги келишувни буздилар ва статус-квони ўзгартириш мақсадида провокацион ҳарбий ҳаракатларни амалга оширдилар", - дейилади хабарда.

Чушул-Молдо ҳудудидаги ҳинд заставасидаги вазиятни ҳал қилиш учун бригада қўмондонлари даражасида учрашув ўтказилмоқда.

Эслатиб ўтамиз, дунёнинг аҳолиси энг кўп икки мамлакат - Ҳиндистон ва Хитойни Макмагон чизиғи деб номланган шартли чизиқ ажратиб туради. Ҳиндистон ва Далай Лама ҳукумати мавжуд чегарани тан олишган, аммо 1959 йилдаги расмий дипломатик нотада эълон қилинганидек Хитой буни тан олмаган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!