Erdo‘g‘on Ilon Mask bilan telefon orqali suhbatlashdi
Turkiya prezidenti AQShning SpaceX kompaniyasi rahbari Ilon Mask bilan telefon orqali muloqot qildi.
«Muzokaralar chog‘ida turli jabhalar, jumladan, Turkiyaning kosmik texnologiyalar sohasidagi kompaniyalari, davlat muassasalari va xususiy sektori bilan hamkorlik masalalari muhokama qilindi», — deyiladi turklar yetakchisi devonxonasi tomonidan tarqatilgan xabarda.
Eslatib o‘tamiz, shu yil 8 yanvar kuni SpaceX tomonidan Falcon 9 raketa tashuvchisi fazoga uchirilgandi. Ushbu qurilma o‘zi bilan birga Turksat 5A aloqa yo‘ldoshini ham samoga olib chiqqandi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
