ELTUZ Komil Allamjonovdan uzr so‘radi
ELTUZ Komil Allamjonovdan uzr so‘radi.
"Eltuz tahririyati shu yilning 23 fevral kuni e’lon qilingan “Allamjonov 4.2 mln $ tillani chegaradan qanday olib o‘tdi?” sarlavhali maqolasidagi iddaolar to‘liq tasdig‘ini topmagani vajidan maqolani Eltuz sayti va ijtimoiy tarmoqlardagi barcha sahifa va kanallaridan olib tashlaganini ma’lum qiladi.
Tahririyat maqolani qayta chop etgan nashrlar, jumladan, O‘zmetronom sayti hamda unga Tvitterdagi sahifasida havola bergan “Chegara bilmas muxbirlar” tashkilotini o‘z qaroridan rasman xabardor qildi. Maqolani bo‘lishgan boshqa nashr va akkauntlarning ko‘pchiligiga bu borada rasmiy bildirgi yo‘llandi. Ushbu bayonot bilan maqolani chop etishdan hech bir shaklda hech bir shaxsni obro‘sizlantirish yoki unga tuhmat qilish qasd etilmaganini ta’kidlagan holda uni bo‘lishgan, qayta chop qilgan boshqa nashr, kanal va sahifa egalaridan maqolani olib qo‘yishlarini so‘raymiz. Maqoladagi iddaolarni qayta tekshirish jarayonida biz bilan o‘zaro tushunish asosida hamkorlik qilgan tomonlar, nashrlar va yakuniy qarorimizni hurmat qilgan Eltuz o‘quvchilariga o‘z minnatdorchiligimizni bildiramiz. Shuningdek, tahririyat reputasion zarar uchun maqolada ko‘rsatilgan shaxs Komil Allamjonovdan uzr so‘ragan xolda, uning O‘zbekistonda so‘z erkinligini ta’minlash yo‘lidagi sa’y- harakatlariga omad tilaydi.
Eltuz jamoasi", deyiladi ELTUZ bayonotida.
